الحل النهائي لمشكلة الواتس اب بإذن الله ومجربة , whatsApp

المشكلة لها فئتين ..

الفئة الأولى : ناس كان عندها واتس اب وبعد التحديث ما صار يشتغل ويعطيهم الجهاز غير مدعوم .

الفئة الثانية : ناس ماكان عندها الواتس اب و جديدين على الجهاز أو أتفرمت جوالهم وطار الباك اب وأيضا بتجيهم نفس رسالة الخطأ .



نجي للحلول ~



الفئة الأولى :-

احذف الواتس اب الأخضر فقط بدون مسج الملفات الخاصة بالواتس اب ! يعني لاتستخدم برنامج clean master في هذه المرحلة .. وبد كدا حمل رابط واتس اب بلس الأزرق و هذا الإصدار الأخير وشغال 100% و أنا اليوم مجربه بتاريخ 11/8/2014

http://goo.gl/dKAEun



بعد تحميل البرنامج وتثبيته لازم تدخل الرقم الي كنت حاطه من قبل على جهازك و راح يشتغل الواتس أب بإذن الله .. و في حالة انك تبغى تغير الرقم لازم تتبع حل الفئة الثانية !



الفئة الثانية :-




1- احذف برنامج الواتس اب الأخضر

2- حمل برنامج Clean Master ===> امسح كل الملفات الغير ضرورية (Junk Files )

3- تروح على اعدادات الجهاز ===> ثم اعدادات الحماية ===> ثم تضع صح على تثبيت البرامج من مصادر مجهولة

4- تروح على اعدادات الجهاز ===> تروح على الوقت والتاريخ ===> ثم تشيل الصح من الوقت والتاريخ التلقائي ===> ثم تضع هذا التاريخ 25/5/2014

5- لازززززم تحمل هذا الإصدار من الواتس مو اي اصدار اخرى .. http://sh.st/trWIn

6- بعد التحميل قم بتثبيت البرنامج وراح يشتغل الواتس اب بإذن الله .. ضع رقمك وراح تصلك الرسالة وراح يتفعل الرقم معاك

7- راح يقلك بعد التفعيل بأن جهازك غـــــــــــــــــــــــــير مدعــــــــــــــــــوم .. لاتخاف

8- حمل الواتس اب الأزرق الموجود في الفئة الأولى ===> ثم رجع التاريخ لتاريخ اليوم و بكدا مبروك عليك الواتس اب أخيرا !!

9- اذا مصمم على الواتس اب الأخضر الحل عندي بإذن الله ===> خلي احد يكلمك ع الواتس اب وراح يظهر عندك أنه أحد كلمك لكن كل ماحتفتح راح تجيك نفس رسالة الخطأ !

10 هنا روح على سطح المكتب واضغط تحديدا على ايقونة الواتس اب الخضرا وراح يظهر لك ايقونتين أسفل الشاشة باللون الأبيض ===> اضغط الي على اليمين والي راح تمكنك من عمل ويدجت أو إختصار سريع ===> أنزل تحت ف القائمة الى ان تجد رسم ايقونتين للواتس اب ===> وحدة منهم بـ كاميرا والتانية بدون كميرا ===> اختار اللي بدون كاميرا

11- ارجع لسطح المكتب وراح تلاقي اختصار سريع للواتس اب مربع كبير .. اذا ضغطت على الرسالة الي جاتك راح تواجه نفس رسالة الخطأ لكن اضغط على الشريط الاخضر الي جنب ايقونة واتس اب و راح يفتح معاك الواتس و حتقدر تتكلم مع الناس عادي بالطريقة دي

12 - مصمم انك تتكلم زي الناس بالاصدار الرسمي ؟؟ طيب الحل عندي ===> دردش شوية مع اي احد من اصحابك وبعدين اعمل اعادة تشغيل لجوالك

13- بعد اعادة التشغيل وبعد تشغيل الواتس اب راح يقلك انه لازم تحدث البرنامج ! هنا انتا اضغط موافق ===> راح يقلك تبغى تحميل من متجر نوكيا او اي متجر اخر عندك او تبغى تحمل من متصفح نوكيا !!؟؟؟

14- اضغط على متصفح نوكيا ===> بعد التحميل ثبت البرنامج وراح يقلك انه يجب ترقية البرنامج ( مرة أخرى ) اضغط موافق وبكدا مبروك عليك الاصدار الرسمي ..